貓抓板跳台

讓貓公主發脾氣及玩樂的地方

不再是肥貓 十二月 16, 2008

Filed under: 纖體篇 — Chan Tai-man @ 9:56 下午

貓公主從前是一隻小肥貓,以下是節錄與小豬侍衛的對話:

首先,要知道自己點解肥
我好幸運,我肥的原因係太大食
咁食少啲咪得囉!!!

高風期仲每日游水1000米!!!

哈!哈!哈!
但係其實我而家都好大食,重點係……
要知道自己食咗啲乜落肚

有啲嘢食好多又唔會好肥
有啲嘢食少少都會好肥……

例如:
食好多又唔會好肥──菜、白肉(雞、魚)
水果又唔好食太多喎,糖份高,好肥!
奶,勁肥!!
餅乾,超肥!!!
兩塊芝麻梳打餅=一碗飯的carbohydrates!!!
如果多牛油或者有cream有夾心的……

如果真係好肚餓,一定要食啲嘢,食片小麥包就好啦
紅肉唔好食咁多,尤其牛肉!
因為啲牛肥喺肉裡面,尤其最美味的雪花牛肉,分唔開,又好味,咁就一口兩口的肥膏吃入口!!!
豬肉唔同,啲肥好集中,見到都唔會食落肚啦

流傳仲有好多rules,不過唔知係咪真係有用

1、皇帝早餐,上校午餐,士兵晚餐
因為食係為消耗,都瞓啦,仲食乜

2、瞓覺前2個鐘唔好食嘢
吸收咗唔洗用,咪儲晒喺個身裡面囉

3、運動後2個鐘唔好食野
特別吸收

4、carbohydrates同protein分開食
我喺屋企食晚餐係唔食飯的

5、唔好飲汽水、唔好食零食
雖然我唔飲汽水唔係為減肥

6、平時動作大啲、活動多啲、消耗多啲、新陳代謝快啲、消耗快啲

最後……得閒咪放下自己假囉(食嘢方面),最緊要開心
減到肥之後,想食乜都得啦(唔太過份)
反正大多數食肥人的嘢都係唔健康架啦

當然要知道自己的身高應該幾重,唔好太過份

真係最後,奉政府籲:日日記得二加三

Remarks:
如果你認為你自己係好吸收,你會唔會係唔覺唔覺……
又食一粒糖,唔覺唔覺……
又食一塊餅,唔覺唔覺……
又食零食,唔覺唔覺……
又飲高糖份或者奶類飲品,唔覺唔覺……
又唔覺唔覺……