貓抓板跳台

讓貓公主發脾氣及玩樂的地方

我的音樂, 我的…… 四月 26, 2007

Filed under: 貓樂,心靈貓湯 — Chan Tai-man @ 9:55 下午
今日聽0左好多詩歌
又聽0左自己好鍾意0既兩首流行曲
曾經有人同我講, 就算是情歌, 只要將情人的角色轉成上帝, 流行曲都可以變成詩歌
anyway, 一大堆的歌曲, 令我想起多年前的承諾
當日已經做0左教會司琴一段時間, 覺得自己好似係為0左人手短缺而應承做司琴的心態唔可以繼續落去, 加上……
承諾要將自己的琴技(雖然唔叻)全然獻上
之後, 又有好幾個牧者為我呢個事奉去祈禱, 先肯定到呢個確實我0係教會事奉的方向
其中有一個牧者提到我要用靈/心去彈
而家, 我似乎已經明白牧者的意思(並不等於我已經做到)
又過0左好一段時間, 以"模仿" 的方法學習, 就越來越覺得自己唔足夠
但係又一路都無乜行動, 可能係因為懶
腦裡面好多的問號, 都唔知點解決
今日聽0左好多歌, 好羨慕果0的音樂人……
又0係度諗: 我所謂的全然獻上就係得咁多? 係咪仲有進步的空間?
我相信, 我要以我的專業服侍, 曾經做過兩年的司庫, 又似乎唔係
無再做司庫的我, 又似乎……
正正又搵緊工, 好想搵到人生的方向
幾件事似乎毫無關係, 又好似好有關連
我個心真係好亂, 完全唔知自己想點
「你們要先求祂的國和祂的義」???
 

One Response to “我的音樂, 我的……”


迴響已關閉。